வண்ணம்

அடர்ந்த ஆகாயத்தில்
அழகான ஓவியம் - ஓவியனின் எண்ணம்;

வெள்ளை சீலைக்காரிக்கு
கிடைத்த வண்ணச் சீலை - விதவையின் ஏக்கம்;

புதுக்கட்சிக்கு தயாராக
புது வண்ணக் கொடி - புதுக்கட்சி தலைவரின் பூரிப்பு;

பிரித்து சேர்ப்பது
எப்படி - விஞ்ஞானியின் விந்தை;

எப்போதும் உன்னுடன் இருக்க ஆசை
எப்போது வருவாய் ? கவிஞனின் அழைப்பு;

நீல வானத்திற்கு கிடைத்த
நீண்ட தூரிகை - ஏழையின் ஏமாற்றம்;

வளைந்த ஏழு கோடுகளாம்
மண்ணில் வந்ததில் இருந்தே தெரியவில்லையே -
குருடனின் ஆதங்கம்;